– ਹਰਿਆਣਾ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਨੇ ਕਰਨਾਲ ਦੇ ਮੰਡੀ ਖੇਤਰ ਵਿਚ ਦੋ ਦਿਨ ਪਹਿਲਾਂ ਬਿਮਾਰੀ ਕਾਰਣ ਮੌਤ ਨੂੰ ਪ੍ਰਾਪਤ ਹੋਏ 7 ਕਿਰਤੀਆਂ ਨੂੰ ਇਕ-ਇਕ ਲੱਖ ਰੁਪਏ ਦੀ ਮਾਲੀ ਮਦਦ ਦੇਣ ਦਾ ਐਲਾਨ ਕੀਤਾ|
ਚੰਡੀਗੜ, 29 ਸਤੰਬਰ – ਹਰਿਆਣਾ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਨੇ ਕਰਨਾਲ ਦੇ ਮੰਡੀ ਖੇਤਰ ਵਿਚ ਦੋ ਦਿਨ ਪਹਿਲਾਂ ਬਿਮਾਰੀ ਕਾਰਣ ਮੌਤ ਨੂੰ ਪ੍ਰਾਪਤ ਹੋਏ 7 ਕਿਰਤੀਆਂ ਨੂੰ ਇਕ-ਇਕ ਲੱਖ ਰੁਪਏ ਦੀ ਮਾਲੀ ਮਦਦ ਦੇਣ ਦਾ ਐਲਾਨ ਕੀਤਾ| ਇੰਨਾਂ ਕਿਰਤੀਆਂ ਲਈ ਮੰਡੀ ਦੇ ਆੜਤੀਆਂ ਨੇ ਵੀ 50-50 ਹਜਾਰ ਰੁਪਏ ਸਹਿਯੋਗ ਵੱਜੋਂ ਦੇਣ ਦਾ ਭਰੋਸਾ ਦਿੱਤਾ|
ਸ੍ਰੀ ਮਨੋਹਰ ਲਾਲ ਅੱਜ ਕਲਪਨਾ ਚਾਵਲਾ ਸਰਕਾਰੀ ਮੈਡੀਕਲ ਕਾਲਜ, ਕਰਨਾਲ ਵਿਚ ਜਾ ਕੇ ਨਵੀਂ ਅਨਾਜ ਮੰਡਲ ਵਿਚ ਕੰਮ ਕਰਨ ਵਾਲੇ ਬਿਮਾਰੀ ਕਿਰਤੀਆਂ ਦਾ ਹਾਲ-ਚਾਲ ਪੁੱਛਣ ਅਤੇ ਸਰਕਾਰ ਵੱਲੋਂ ਇੰਨਾਂ ਦਾ ਮੁਫਤ ਇਲਾਜ ਦਾ ਭਰੋਸਾ ਵੀ ਦਿੱਤਾ|
ਮੁੱਖ ਮੰਤਰੀ ਨੇ ਦਸਿਆ ਕਿ ਅਨਾਜ ਮੰਡੀ ਖੇਤਰ ਵਿਚ ਦੋ ਦਿਨ ਪਹਿਲਾਂ ਸੱਤ ਕਿਰਤੀਆਂ ਦੀ ਮੌਤ ਹੋ ਗਈ ਸੀ, ਇਸ ਲਈ ਉਨਾਂ ਦੇ ਮਨ ਵਿਚ ਡੂੰਘਾ ਦੁੱਖ ਹੈ| ਉਨਾਂ ਕਿਹਾ ਕਿ ਕਿਰਤੀਆਂ ਦੀ ਮੌਤ ਦੇ ਕਾਰਣਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ| ਜੋ ਕਾਮੇ ਬਿਮਾਰ ਹਨ, ਉਨਾਂ ਦਾ ਕਲਪਨਾ ਚਾਵਲਾ ਸਰਕਾਰੀ ਮੈਡੀਕਲ ਕਾਲਜ ਵਿਚ ਇਲਾਜ ਚਲ ਰਿਹਾ ਹੈ|
ਇਸ ਤੋਂ ਇਲਾਵਾ ਮੁੱਖ ਮੰਤਰੀ ਨੇ ਭਾਜਪਾ ਨੇਤਾ ਅਮਰਿੰਦਰ ਸਿੰਘ ਅਰੋੜਾ ਦੀ ਰਿਹਾਇਸ਼ ‘ਤੇ ਜਾ ਕੇ ਉਨਾਂ ਦੇ ਪਿਤਾ ਸਮਾਜਸੇਵੀ ਦਰਸ਼ਨ ਸਿੰਘ ਦੇ ਸਵਰਗਵਾਸੀ ਹੋਣ ‘ਤੇ ਦੁੱਖੀ ਪਰਿਵਾਰ ਨੂੰ ਹਮਦਰਦੀ ਦਿੱਤੀ|
ਮੁੱਖ ਮੰਤਰੀ ਨੇ ਡੇਰਾ ਕਾਰ ਸੇਵਾ ਵਿਚ ਜਾ ਕੇ ਮੱਥਾ ਟੇਕਿਆ, ਸ਼ਰਧਾਂਲੂਆਂ ਨਾਲ ਗਲਬਾਤ ਕੀਤੀ ਅਤੇ ਡੇਰਾ ਦੇ ਸੰਚਾਲਕ ਬਾਬਾ ਸੁੱਖਾ ਸਿੰਘ ਦਾ ਹਾਲ-ਚਾਲ ਪੁੱਛਿਆ| ਇਸ ਮੌਕੇ ‘ਤੇ ਅਸੰਧ ਦੇ ਵਿਧਾਇਕ ਬਖ਼ਸ਼ੀਸ਼ ਸਿੰਘ ਵਿਰਕ, ਪੰਜਾਬੀ ਅਕਾਦਮੀ ਦੇ ਡਿਪਟੀ ਚੇਅਰਮੈਨ ਗੁਰਵਿੰਦਰ ਸਿੰਘ, ਓ.ਐਸ.ਡੀ. ਅਮਰਿੰਦਰ ਸਿੰਘ ਸਮੇਤ ਹੋਰ ਮੰਨੇ-ਪ੍ਰਮੰਨੇ ਵਿਅਕਤੀ ਹਾਜਿਰ ਸਨ|